روح النساء

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


للنسـاء فقط يمنع دخول الرجال
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتدخولالتسجيل

شاطر | 
 

  كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله

اذهب الى الأسفل 
كاتب الموضوعرسالة
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:46 am

السلام عليكم ورحمة الله وبركاته
موضوع مررره عجبني



وحبيت أنقله لكم بالحرف الواحد عشان تستفيدو
ولاتنسو ترفعو الموضوع عشان البنات يستفيدو منه لأنه جداا مهم













رآح اتكلم هنا عن شهر العسل وبداية الزواج عموما








أجمل شهر يمر على كل أنثى
مو شرط يكون بالسفر لأن بداية الزواج عسل×عسل
شهر استثنائي مستقطع من الحياه
فيه نقاط كثيره راح اتكلم عنها
كيف تتجنبين شغلات تعكر شهر العسل
وكيف تحلين شهر العسل وتزيدينه عسل
كيف تعتنين بنفسك
كيف تواجهين الشي الجديد بحياتك (الجنس)
وأسرار جميله تخلق لك جو خاص مع زوجك







نبتدي بأول ليلة بعد حفلة الزواج اللي كنتي فيها اميره
بعد ماانتهى التوتر وشد الأعصاب والظغط والدموع
وانتهت لحظات وداع الأحباب والفرح ..


حان وقتك انتي وهو(اول ليله هي كم ساعه بتنحفر بمخك للأبد )
أول ليله احلى لها طعم خاص ماينوصف ممكن تكون اجمل ساعات العمر







طبيعي الخجل والحياء شي محمود
بس بليز ياعروسه ياجميله لايزيد عن حده الله يخليك لأنه بينزع عليك اجمل ليله
ماراح يكون بينكم تفاعل والوضع بيكون متوتر ممكن يفسر خجلك الزايد على انه نفور منه
ترى حتى هو بيكون متوتر مايعرف وش يقول وكيف يبدى ..








ويآحبيبتي لاتستغربين اذا رغب بـ ( الأحم أحم )
بعض البنات يفهمون غلط وتعتبر ان زوجها يبي يفترسها من اول ليله
هذي فطره في الرجال وش فيها اذا سلمتيه نفسك من اول ليله !


حلو يكون اللقاء الأول رومنسي فيه اندماج اجساد اذا سهلتي انتي عليه المهمه بتنبسطون وبتصير فعلاً ليلة العمر
ترى هالشي صاير صاير كل ماخلصتي بدري كان احسن لك ليش التأجيل بيكون لك هم ..


*كلنا سمعنا قصص تهويل وتخويف من الألم اللي راح يحصل عند اول لقاء
هالتهويل والترويع اللي نسمعه هو السبب بمشكلتنا
(بقولكم وش حصل معي وانتم احكمو) ..


قريت موضوع عن ليلة الدخله تجارب العضوات اغلبهم قالوا عن الألم ومن هالكلام
إلا وحده تقول انا ماحسيت بشي لأني كنت كم ساعه بالطياره وحسرانه مره وتبنجت المنطقه عندي


قبل زواجي بكم يوم دردشت معي صديقتي المتزوجه ع المسن ..
قالتلي : يآآآآآوك من شي بيجيك ..
~> تقصد اول ليله ..
مع اني قبل ماكنت خايفه ابداً ..


وقبل زواجي بيومين قعدت معي بنت خالتي وقالت لي ان الوضع طبيعي جداً
لازم اكون ريلاكس .. ومرتاحه ومافيه ألم ابداً المسئله سهالات ..


نجي للجد لما جت حزة الحزه ... كنت أشدددددددد اعصابي
كانت المسئله صعبه ومؤلمه زوجي تضايق وانا تضايقت
وقعدت اسبوع بنت
بعدها سافرنا وطولت بالطياره
لما جينا الفندق تمت المسئله بقممممممممة البساطه وربي وربي ماحسيت بشي أبداً
يااربي وين الألم اللي كنت احسه
معقوله !!
اكتشفت ان الألم انا وبس اللي اسببه لنفسي لما اشد اعصابي ..


المغزى : شوفوا معي عقلي الباطن شلون تحكم فيني شوفوا اثر المعلومات اللي تلقيتها


صديقتي الله يهديها خوفتني مره جدددداً كانت غلطانه وش تستفيد لما تدعيلي ربي يعيني وتخوفني كان ممكن تدعيلي بالغيب ولاتقولي بوجهي .. جملتها علقت ببالي بقووه وصرت اتذكرها كل ماقرب زوجي يعني بإختصار ماسوت خير ( ديروا بالكم بليز لما تنصحون اي عروسه مقبله على الزواج )


بنت خالتي الله يحفظها ساعدتني وكلماتها طمنتني
اما تجربة العضوه ياسبحان الله مدري شلون اعتبرت ان اللي صارلها بيصيرلي
المسئله نفسيه بحته ..مع اني ماكنت حسرانه ولاتبنجت المنطقه .. قوة العقل الباطن اشتغلت


بنات الله يخليكم سهلوا على انفسكم وازواجكم المهمه وتراها سهلــــه جداً ..


صديقتي الله يهديها
صعبتها مرره قعدت فوق شهرين .. وندمااااااااااانه تقول بالغت بخوفي بقوه
مالومها عقلها مليان تهويل وتخويف من مجتمع جاهل ..


لاتنقرفين من الجنس معه أبداً ..
انتي اذا انقرفتي تخالفين الفطره ..


هذا الشي فطري يصير مع الكـل ..
وإياك تبينين تقررفك قدامه ..


يمكن اللي ماراح يتقبلون الجنس تمام المراهقات تحت الـ19 ..
تذكري دائما ان هالشي فطري .. وحاجه لازم تشبع عندك وعنده ..








انتهت اول ليله وأحلى ليله بسعآده إن شاء الله ..
ابتدى التحضير للسفر





حسب وين رايحة وكم بتظلين حددي حجم الشنطه
تجنبي تاخذين اكبر حجم وتحطين نفسك بموقف بايخ بالمطار
كوني عمليه خذي شنطه متوسطه ولاتاخذين كل الدولاب
اكيد اغلبكم عارف ايش بياخذ بس بذكركم بشغلات بسيطه
*خذي شنظه زعنطوطه زي شنطة المكياج وحطي فيها كل ادوات تنظيف الفم ..
لأن نظافة فمك مهمه اتعب وانا اقول مهمه ..
فرشاة ومعجون , خيط اسنان , كاشط لسان , كاشط خدود , غسول او حلاو مصاص او علك او هيل اي شي يطيب ريحة فمك ..
* خذي عبايتين لاتكتفين بعبايه ..
* لاتعتمدين على شامبو ولوشن الفنادق خذي انتي الشامبو تبعك واللوشن بحجم صغير لايزيد عن 50 مل .. لأنه ماراح يرضون لك بالمطار ..
* مو ظروري تاخذين استشوار اغلب الفنادق يحطون لك استشوار


ماراح اكثر حكي عن ترتيب شنطة السفر لأن القسم مليان ماشاء الله مواضيع بها الخصوص ..


من أهــــم الأسرار عشان تطيرين عقله


(مفآتنك كنزك )
××××××
صورة مخالفه



لما تجهزين ياعروسه لاتكثرين من اللبس اللي يخسرك كثير ..
اللبس الخالع اللي يكشف مفاتنك .. بتقولين لي هاللبس هو اللي يعجب الرجال ..
لك الخيار انك تخلينه يعجب زوجك .. أو يجنن زوجك ..
انا اقولك كيف ..
لما تلبسين بلايز وقمصان نوم كاشفه للصدر على طول وينبسط زوجك عليها وتظلين تلبسينها مره ورى مره تعلقين لين يشبع زوجك ومايعود المنظر يهزه .. هنا انتي فرطتي بكنزك


لما تخبين كنزك صدرك بلبس مايبينه كثير وفجأه تلبسين بلوزه بفتحة 7 كاشفه للصدر ..
بيطير عقله هالمنظر ماعتاده وحلاة الشي ندرته وكل ماغاب الشي زادت قيمته بتلاقينه يتأمل وبينهبل ع الآخر ..


بتشوفين ردة فعل تعجبك ..
كذا الموضوع مع كل جسمك سيقانك ومؤخرتك وحتى ظهرك ..
لاتستهلكين نفسك كثير ..
العبي بعقله جننيه بترضي غرورك ردات فعله بتشبع انوثتك ..
عن تجربه يابنات احيانا انصدم بردات فعله يصير زي الخدران يناديني اجلس جنبه ..


انا ما اقولك لاتلبسين قمصان وبيبي دول ولبس مخشلع بالعكس هذا تبعل للزوج لاكن
بدون عشوائيه العبي بذكاء



ثاني سر اغلبكم مطلعين عليه


(ريحتك )





اكيد ماوصيكم ع النظافه والشاور اليومي لاتدخلين فراشك إلا وانتي متشطفه
غاسله جسمك كله مو شرط شعرك عشان مايتلف غطيه بغطاء الرأس اللي موجود بكل الفنادق حطي غسول المنطقه الحساسه شي ظروووري .. وخذي مجموعه من عطرك الشاور جل والعطر واللوشن .. وهنا يكون السر اختاري عطـر واحد فقط لكل شهر العسل
وحبذا لو يكون من العطور المغريه مثل :





تثير الرجل جداً .. فيه عطور كثيره ابحثي عنها ..


وتجنبي العطور المركزه اللي تخليه لما يقرب منك يصدع راسه واذا كان العطر اللي اخترتيه مركز رشه وحده تكفي ..




استخدمي هالعطر طوول شهر العسل خلي الريحه تثبت براسه كلنا نعرف ان للعطور دور كبير
في استعادة ذكرى الأمكان والمواقف .. هالعطر بعدين بيكون سلاحك بعد شهر العسل عشان تخلقين اجواء حميمه او تقنعينه وتفتنينه ..








كـــوني أنثى بكل تصرفآتك .. كوني رقيييييييييييقه تسلبينه عقله


كـوني أذان صاغيه له لما يتكلم ترى الرجال يقدرون المرأه المستمعه اسمعيه بكل حواسك ولاتقاطعينه بيصير يحكي لك كل شي يصير معه الصغيره قبل الكبيره إحساس حلو لما يكون عندك اللي يسمعلك وتقدرين تفضفضين له اعطي هالأحساس زوجك ..


وبالنسبه لسوالفك معاه بذكرلكم هالموقف اللي صارلي شهر العسل




دخلنا مطعم وكان واضح نص المطعم عرسان كان فيه سعوديه تسولف مع زوجها بصوووت عاااااالي ~> ناسيه حالها المسكينه .. تحكي له عن موقف صار مع خواتها والسواق ماادري ايش المهم ان كل المطعم سمع السالفه حكتها بالتفصيل الممل ومعرووف الرجال يكرهون التفاصيل ومبين على وجه زوجها الملل وانه يسايرها وحتى زوجي انزعج من علو صوتها وضحكها .. رحمتها ياعيني قصدها تسلي زوجها بها السوالف كنها مع صديقتها مو زوجها ..
الرجال مو مثل صديقتك يتحمس لها السوالف ..


سوالف عن ماضيك وذكرياتك ومراهقتك خليها لك .. كوني مستمعه اكثر منك متحدثه ..
على هالنظام حتى السالفه اذا قلتيها بينتبهلها زوجك وبينبسط عليها لأنك مو فاقعه مخه سوالف ..









لما تقعدون على طاولة المطعم وياخذ المنيو ويسألك وش تاكلين اطلبي اللي تشتهين بدون تردد وحيا بتكونين ريحتيه .. لأن التفكير بالنسبه له متعب وشاق .. ولما تقولين له اممم ماادري براحتك .. تطفشينه وتحيرينه ..
ما أنصحك بالببسي .. مو حلو منظرك وانتي تتارعين قدامه
هذا غير عن انه يسبب غازات وضار بالصحه وقلق وانتي عروسه اهتمي بتغذيتك وكوني فريش
أنصحك بعصير الليمون والنعاع يعطر الرحم ويرووق
بليز ابتعدي عن الثوم والبصل وخلي اكلك خفيف ..



بالنسبه للـ shopping time




بنت خالتي بشهر عسلها كان زوجها يعرض عليها يشتريلها لمايتسوقون وكانت تعيي ~> تستحي وماتبي تكلف عليه ..
بعد شهر العسل وليومكم هذا زوجها تعود على هالطبع الشين صار يستكثر عليها ولايشتريلها لأنها هي اللي استكثرت على نفسها ..


اشتري اللي بخاطرك اغلب العرايس يستحون هذا غلط زوجك لما يدفعلك بيكون زي العسل على قلبه اذا رجعتي الفندق عبري عن امتنانك ببوسه او ضمه وشوفي شلون بيدمن يشتريلك .. عودي نفسك من شهر العسل لو شرالك عصير حتى تشكرينه




لما يعطونك تذكرتين سفر للنمسا ويقولون لك اختاري اي شخص خاطرك فيه
راح تميلين لشخص بشوش يستمتع بأدق التفاصيل نظرته للحياه متفائله ويفرح من قلبه
كوني هالشخص لزوجك :


استــمتعي معه بكل شي حتى لو شفتي عصفوره صاايحي بجمالها وتغزلي ابتهجي معه اضحكي ~> ماراح يظر ببرستيجك .. انبسطي فرفشي .. لما تدخلين فندق اشكريه على اختياره وامدحيه ~> شي جميييييييييييييل بالنسبه للرجل ..
زوج صديقتي يقول اغلب اصحابه يرجعون من شهر العسل طفشانين من صمت وخجل زوجاتهم ..
انتي اتسلي وسليه معك ..





قدميله حبــك .. هذي من الحاجات اللي لازم تلبينها عنده حسسيه بحبك بس بحدود كوني حذره ناعمه الهاشمي تقول:
إقتباس:
ليتك تحافظين على رقتك، وغموض مشاعرك، وأن تتجاوبي معه بحذر، لا لشيء، إلا ليدوم الحب، فالمرأةوالانسان بشكل عام، عندما يشعر بحب الأخر، يبتهج، ثم يسقط الحدود ثم يتمادى، ممايجعله يخرج كل ما في جعبته من مشاعر، او افكار، وهذا يفسد الرومانسية، عليك أن تحتفظي بتلك المسافة الجميلة، التي تجعل الحب يمتد ويستمر طويلا




لازم تبينين له انك متقبلته شكلياً امدحيه عشان يثق بنفسه القبول بعد من الحجات اللي لازم تتلبى عنده

_________________














الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:52 am

و الممارسه الجديده بحيآتك (الج ن س)


.. انا ماني خبيره بها الأمور بحكي حسب خبره بسيطه جداً ..
()
أولاً كثير صار فهم غلط على سالفة اللي تحت الـ19 مايتقبلون الج ن س هالكلام سمعته من اخصائيه ..
اللي تحت الـ19 مافيهم نضج كافي .. ماراح تستوعب زي بنت ال20 ان العمليه الجنسيه عمليه فطريه وحاجه لازم تشبع ماراح تتقبلها راح تحسه مثل ماربوها اهلها شي (عيب)
إلا اللي تجاوزت هالشعور وثقفت نفسها بأذن الله ماعندها مشكله ..

كثير قريت بقسم الاستشارات عرايس متضايقين من العمليه الجنسيه
مثلاً وحده مالها شهور متزوجه تقول انها لما سوت حركه لزوجها ~> كانت ناويه تبدع بالج نس
ضحك عليها .....!



*ياعروسه بداية الزواج لاتستعرضين عضلاتك لزوجك بالج نس ..
لاحقه ياروحي .. الأيام جايه اذا عندك حركه او وضعيه
خبيها برصيدك بيجي اليوم اللي تحتاجينها هو اللحين مادخله الملل ..
هالحركات لها وقتها .. يعني لاتتفاجئين من موقف زوجك لما يستغرب او يضحك
العمليه جديده عليكم ثنينتكم من وين جايبه ابداعك ~> ترى فيه صنف قليل من الرجال
الله يكافينا الشر شكاكييييييييييييييين
لما تتعودين هنا يحقلك تبدعين
اقري ملف الثقافه الجنسيه للدانه وادخريه ضمن رصيدك


*أنتبهي ثم أنتبهي تتقرفين قدام زوجك من اي شي خلال الج نس .. هالشي بينعكس سلباً على العلاقه الجنسيه وبالتالي على الحياه الزوجيه بالكامل ..

مافيه مانع تبينين لزوجك انك مستمتعه ~> هالشي قمة السعاده لكل زوج .. ان يحس انه ممتع زوجته ومسعدها في العلاقه ..
()
ولو اني سمعت عن معلومه ~> ومااحب اسمع المعلومه من وكالة يقولون احب اي معلومه تكون من مصدر موثوق مثل اخصائيه او دكتوره المهم .. المعلومه تقول ( المرأه ماتستمتع بالجنس إلا بعد 6 شهور من زواجها ) .. مو متأكده من صحة المعلومه بس ملاحظتها على نفسي وعلى عضوه ارسلتلي بالخاص شوي وتكمل السنه وتوها تستمتع بالجنس ..
يعني اللي ماتستمتع بالجنس بالبدايه لاتوسوس وتفكر نفسها بارده ..


*كوني جاهزه على طول وبأتم النظافه لأنه لو شم منك ريحه مو حلوه بتعلق بباله للأسف اهتمي بنظافة كل شي اسنانك شعرك المنطقه الحميمه حتى رجولك ..
()
تصدقون ان الرجال يهتمون بها المنطقه ويعتبرونها مقيآس لنظافة المرأه ... لدرجة انها عامل جذب جنسي .. اذكر قريت حوار بين رجل واستاذ جامعي .. في امور جنسيه .. يقوله بخجل انه ينجذب لرجول زوجته قاله الاستاذ : ومن فينا ماتأسره النظافه والاهتمام ..والعنايه بها المنطقه !
وانا هنا اوصيك اهتمي بنفسك من راسك لأخمص أقدامك ..
ماقول ركب واكواع .. مو مهمه هذي الوان المهم النظافه والجلد الحيوي مو اللي كله تراكمات اوساخ وجلد ميت .. ومع النظافه والاستمرار عليها ماتعود الركب والاكواع مشكله ..
والنعووووووووووومه .. تراها تهم الرجال بشكل ماتتخيلينه .. لو ركبك واكواعك ليل لاكن ناعمه مادرى زوجك عن لونها ولاحس فيه ..
تسحرهم النعومه يحبون يلمسون الجلد الناعم وأصلاً هذا عامل جذب جنسي ..
()
تلاحظين كيف يوصون المراهقين ماينامون على فراش ناعم .. >>مو فاهمة أيش السبب

*كوني بأبهى حله بالفراش انتي مو عزوبيه تدخلين فراشك وشعرك مو مرتب ووجهك مثل ماهو .. انتي تشاركين شخص بالفراش هدفك تغوينه ..
تعرفون الكحل القديم الأثمد اللي وصى فيه رسول الله صلى الله عليه وسلم ..
حطي منه برسمه حلوه وحطي روج وتعطري .. هذا اذا مالك خلق مكياج ومااشوف مانع انك تحطين روج وشدو وبلاشر وانتي تسولفين مع زوجك بالفراش وقبل ماتنامين بدقايق ~> اذا ماصار شي يظطرك تتروشين مسحتيها .. مو شرط وقت النوم وبس المكياج



*انتبهي انتبهي تعاتبينه او تتهاوشين معه ع الفراش .. مشاكلك صفيها برى غرفة النوم لاتتناقشين معه بأي خلاف ع السرير كذا بتخربين عليك جو المكان .. خلي السرير جنته عن هموم الدنيا وانتي بعد خليه مكان راحه وتصفية ذهن من كل شي ..


* خليه بلمستك ضمتك بوستك روح كل شي أديه من قلب اعطي من قلبك كل شعور ..


* اي شي يصير بينك وبين زوجك لايطلع لأي كائن انتم عارفين حديث رسول الله صلى الله عليه وسلم .. توني قاريه بقسم الاستشارات وحده تنرحم محرومه من شي بالج نس وتقول اموووت واتقطع لما اسمع وحده تحكي عنه بالتفصيل ... يعني اذا بتقولين اي شي بينكم ممكن تكسرين بخاطر محرومه وتتعلق نفسها او تجيبين لنفسك العين وقبل كل شي هذي خصوصيآت



يتببببع


_________________














الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:53 am

بتـكلم هنا عن نصائح سمعتها قبل الزواج وفادتني كثيييير |

* قبل زواجي قريت كذا عروسه تقول انو بعد الزواج تصير حساسه مرره .. وفتره قصيره وتزول الحساسيه قررت اتجنب هالشي ..
ولاإراديا بعد الزواج بأيام قليله صرت حساااااسه لو اقولكم الشي اللي ضيق خلقي تستغربون شي تافه تافه جداً لايذكر .. والسبب الحساسيه اللي ماقدرت اتجنبها ..

والحمدلله اني كنت عارفه انه مجرد حاله طبيعيه تحصل للعروس .. فقررت ماازعل وآخذ الموضوع ببساطه ~> مع ان الموقف مايستاهل ابداً اعطيله بال حتى ..

وبعد كم يوم حمدت ربي اني ماعلقت ع الموقف او قلت شي لأني اكتشفت اني فاهمه غلط
وان حساسيتي الزايده والشيطان اللي كان يلعب براسي هو السبب ..

الشاهد يّ عروسه .. الحل لحساسيتك المؤقته انك تاخذين الأمور ببساطه وتهونين على نفسك ..

* قبل زواجي بيومين كلمتني ام صديقتي توصيني وتنصحني . كانت بين كل نصيحه ونصيحه تقول لي ( لاتزعلين .. لاتزعلين ) .. أهم شي لاتزعلين ...
مافهمتها إلا بعد وقت ..

العروسه تحب تتغلى على زوجها وتشوف تأثيرها عليه وتزعل من اتفه موقف وماهي عارفه انها بها الحركه تخرب على نفسها ..


بتمر عليك مواقف بتحبين تزعلين اي نعم (بتحبين) ..
لاكن انتبهي ..
وفري زعلك ..
اذا زعلتي ع النازله والطالعه زعلك ماراح يهزه .. ولاراح يكون له اثر ..
غير عن ان الزعل ينغص عليك وعليه خذي الامور بسياسه .. فيه شدايد تتطلب الزعل وفيه خفايف ~> تواجهها العروسه غالباً .. تنوخذ بالمسياسه والكلمه الطيبه ..



عارفين قد ايش دمعة المراه تهز الرجل اللي يكره يشوف دمعة اي مرأه حتى لو كان يكرهها فما بالك فيك انتي دمعة حبيبته وزوجها أنتي عارفه ايش اثر هالدمعه !!

لاتنزل دمعتك قدامه إلا للشديد القوي بالمواقف المستعصيه والطارئه

لاتفرطين بدمعتك عموماً الرجال مايحب المرأه الضعيفه البكايه ..
لما تبكين ابكي لسبب مهم عندك .. وحابه المشكله تتصلح و"دمعتك" وسيله بأذن الله انها تنحل .. لأن هالدمعه اللي ماشافها ابد مانزلت بها المشكله إلا لأنها خطيره ويبيلها حل ..


الله يبعد عنا وياكم المشاكل ..

* كثآآر كثآآر كانوا يعلقون على دلعي ونعومتي ويقولون ان الرجال بيروح بستين داهيه معي ومن هالكلام .. بالبدايه ماكان يهمني كلامهم مره توقعتها تعليقات ع المقبلات ع الزواج واستهبال .. بعدين فكرت فيها ليش انا بالذات جاني هالنوع من التعليق إلا لأن الكل اجمع ان هالصفه مميزه فيني ~> وانا ماكنت التفت لها ابدد لأنها طبيعتي وماالاحظها على نفسي ..
المهم ..صرت انمي هالشي فيني واتابع نفسي والاحظها ..
والحمــدلله فادتني جداً جداً لبعد الزواج ..

عرآيس كل وحده فيكم عندها ميزه ..
ابحثي داخل نفسك وشوفي حبايبك واللي حولك وش يحبون فيك ..



| نجي للنصايح اللي مافادتني والحمدلله تجنبتها من اولها ..|

* العناد ..~> هالنصيحه تهدم بيوت .. إلا الرجال ياعرآيس مايتعاند بتطحين راسك براسه تجيبين حتفك .. بتسايرينه وتسايسنه وتعاملينه زي الطفل تجيبين راسه ..
العناد حيلة الضعيفه اللي تبي تثبت شخصيتها غلط ..
والمسايسه والمسايره حيلة الذكيه اللي تعرف من وين تؤكل الكتف ..

* خلك دايم خجوله ولاتتفاعلين معه عشان مايشك *_*
هالنصيحه تنفع اول اسبوع اسبوعين من الزواج بس بعد هالمده تضر ماتنفع
لأنها بتملل الرجل .. وانا اقصد هنا الخجل والتفاعل سواءٍ بالمواقف العاديه والعلاقه الحميمه



صبآيا راح اكتفي بها الجزئيه اللي كتبتها على عجل ..
فيه شغلات أهم ودي احكيلكم عنها بس أأجلها لأن يبغالها وقت ورواقه ..



أحترآمه ثم أحترامك من البدايه ..



إذا انتي بتطيحين الكلافه بينك وبين زوجك ويصير مثل اخوانك وصديقاتك وبنات خالاتك بينكم ضحك ومزح ثقيل وتعليقات وقطآت ..




لدرجة تقولين له يآحمار
ويقولك يآتيسه ..


انتي هنا طيحتي الحدود ..


قالك ي تيسه مزح وتعودت نفسه عليها بكره لما يسبك وش بيقول


وانتي تنادينه بألقاب وتستهبلين مثل ماينادونه شباب الأستراحه وأخوانه ..



اوكي حلو المزح بينك وبين زوجك بس اتركي بأصغر صغيره بينكم احترآم ..



لاتعلقين عنه عند احد ولاتنتقصينه حتى لو بالمزح ..


وهو بعد عوديه يحترمك ..




ماتعرفين قد ايش هالشي يهدم نفسية الرجل ..


بينيله ثقتك فيه مهما سوى ولاتنقدين اي شي يجي منه بأسلوب مباشر .. ولاتلومينه


صدقوني ياعرايس لما تحسسين زوجك انه بطل مثل الطفل راح يثق بنفسه ويعطي من قلبه ويحاول يثبتلك مره عن مره جدارته ..


الرجال مثل الاطفال هالمقوله مافيها شك قبل لاتوجهين اي انتققاد تذكري ان لزوجك نفسيه تخاف اللوم مثل نفسية الطفل ..


يتبع

_________________
















عدل سابقا من قبل ماجده في الأحد أكتوبر 02, 2011 3:06 am عدل 1 مرات
الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:54 am

عشآن يرتآحلك ويشوف الدنيا بعيونك ويستمد منك ثقه
حسسيه انه مميز .. عطيه شعور انه متفرد بكل شي يسويه ..
لاحظوا معي بكره لما يغلط راح يحسبلك حساب : كيف اهز صورتي المثاليه عند زوجتي !!


حسسيه انه بعيونك غير عن الناس ( وهذا بيميزك عن الناس)



راح يحاول يكون عند حسن ظنك ليش ! لأنك احسنتي الظن فيه ..




وعلى طاري الظن





قال رسول الله صلى الله عليه وسلم :


{ لايؤمن احدكم حتى يحب لأخيه مايحب لنفسه }









عليه الصلاة والسلام ماينطق عن الهوى




حطي ببالك هالحديث دايم ..


لما تتابعين الـ tv معه وشفتي واحد اعجبك وكان ودك تمدحين .. stop


تحبين لو شاف وحده عجبته يمدحها قدامك !!








إذا اسكتي ..




جابلك اكله ماعجبتك وجيتي تعلقين stop ..


لو طبختي اكله وماعجبته تحبين يذمك !!






إذاً اسكتي ..




لاحظتي شي مو ok من عيلته وكنتي بتنقدين ...stop


ترضين احد ينتقد عيلتك !!






إذاً اسكتي ..






اعطي انطباعات عن نفسك تخدمك بمعنى ثاني سوقي لنفسك





بأي سالفه لو بسيطه تحكينها لزوجك انتبهي للانطباع اللي بياخد زوجك (مهم بما انكم بأول ايامكم)




يعني مثلاً بتحكيله موقف طريف صارلك لآيوصل هالموقف انك غبيه او عبيطه






بتقولين له سالفه لايكون فيها ان اخوك ظربك او ابوك سبك او امك نقدتك ..






لاتحكين له انو انا مغدور فيني وان صديقاتي مايحبوني و.....ألخ






لاتوصلين له بدون ماتحسين افكار بشعه عن نفسك ..






لاتكذبين ابداً ابداً قدآمه بليييييييييييييييييييييييييييز






اشنع فكره ممكن توصلك راح يفقد ثقته بمصداقيتك شي باااايخ جداً







خلوني اقرب لكم بموقف ..






ساره صديقتها عازمتها وزوجها قالها انو عمته عازمتنا ومو حلوه بحقها نأجل الزياره



قالت ساره اوكي اتصلت على صديقتها وقالتلها : سوري حبيبتي ماراح اقدر اجي عندي موعد مرره مهم ماراح اقدر اجي ..؟



وسكرت جوالها وقالت يلآآ مشيناها بها التصريفه ..














زوجها هـنا راح يسكت لاكن ايش بيفكر لبعدين لما زوجته تتعذر له عن اي موقف



" تصريفه "



مثل ماتصرف غيري تصرفني ..














انتبهي يّ عروسه وخلي انطباعاتك عنه حلوه دايم ..






كيف استراتيجيتك مع زوجك ؟


بين التعويد والمنع أو الثقل


اوضحلكم اكثر :


نقــول " الضم"
شي جميل يحبه زوجك


استراتيجيتك فيه .؟


كل وقت تضمينه لين يصير شي يحبه ويدمنه ويصير سلآح لك لما توقفينه !!


أو


تخلينه لأوقات سبيشل كمكافئه ويصير لها طعم ويبذل اللي عنده عشان يحصل هالضمه !!




ظروري يكون لكل لوحده استراتيجيتها وماتعيش بعشوائيه
" الذكيه " هي اللي تفكر بالصغيره والكبيره تفكر وبس
" الذكاء" هو اللي يخلي قليلة النصيب من الجمال بعيون زوجها حوريه
ليش نقرى بقسم الاستشارات( انا حلوه وملكة جمال وزوجي ولاحاس فيني )
"الذكاء" هو الفارق



نجي للأستراتيجيات ..



حتى هي ماراح تختارينها بعشوائيه مثل مانوهت .PRADA. الانماط تلعب دور



لاكن هذا مايعني انو اذا كان زوجك



جنوبي يفضل التعويد ماتستخدمين المنع
أو
شمالي يفضل الثقل ماتستخدمين الثقل



وازني ونوعي خلي لك سحرك الخاص



يمكن كثير مافهموا هالنقطه بعطيكم امثله



تعودينه ع ضمتك وبين وقت وثاني تباغتينه بضمه مفاجئه لما يعطيك ظهره يعني تضمين ظهره ~> كيووت هالحركه لها طعم خاص عند المضموم



أو ممكن العكس
تقللين ضمتك
وتضمينه من ورى كل مااعطاك ظهره بيصير لما يعطيك ظهره ينتظر ضمتك ..







وتعودينه تبوسين يده وتلعبين بأصابعه ..



بوستك العاديه () تكون في محلها مو لأي غرض
غرض امتنان
شكر
حب
اعجاب



~> بيحس بطعمها جد احلى من انها تكون عالطالع والنازل



الحركات كثيييييييييييييييييييره والمجال مفتوح ..



اذكر مره قريت بمنتدى واحد يقول شريت لزوجتي هديه انتظر منها ردة فعل ابي ضمه ..



خمنت ان زوجته تستخدم الثقل




()
مدى فهمك لزوجتك وحاجاته له علاقه باستراتيجيتك ..
يعني مثلاً اذا كان زوجك يحب الاهتمام يحب تحسسينه انه طفلك شي طبيعي ماراح تثقلين بحنانك وتدليعك له بتثقلين بشغلات ثانيه ..



وكل وحده وفهمها لزوجها ..




ويآعروسه نصيحه صغيره عشان تستمتعين وتصير لك ذكريات ولا أروع ..



خليك متمنعه جميله عند زوجك بأيام الهني مون لها طعم خاااص ..
يعني اذا قعدتوا اقعدي بعيد شوي شوفي شلون هو بيركض جنبك ياااي ياحلو شوقهم بتتذكرينه وتستمتعين فيه
اذبحك لو بعدتي عنه كيلو يفهمها الرجال نفور


انتبهي استخدمي عقلك ووازني ..




ونسيت اذكر موقف بسسسيط لاكنه معبر جداً..

زوجه كل ماتجي تصحي زوجها تبوسه وتدلعه وتلعب بشعره
المهم كان زوجها مرهق وتعبان مره مره جت تصحيه هزت كتفه وقالتله يصحى
وانسدحت جنبه وعطته ظهرها ايش سوى !!
ربت على ظهرها بخفه التفت لقته نايم ولافيه يتحرك ولاحركه من الارهاق ..

لاحظتوا !!

تعبان وفيه نوم ولايبي يصحى حتى ..
لاكن حتى وهو بعز نومه كان يبي منها حنانها ودلعها واهتمامها حتى لو ماكان ناوي يصحى ..
ربت على ظهرها يعني كملي لاتعطيني ظهرك ونام ..
جد الموقف جداً جداً معبر ..









يتببع


_________________
















عدل سابقا من قبل ماجده في الأحد أكتوبر 02, 2011 3:04 am عدل 1 مرات
الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:55 am

هذي الجزئيه المفروض تكون تابعه للجزئيات اللي قبل
الموضوع مو مرتب وقتي على قدي
بأذن الله اذا حطيت نسخة قراءه برتبه


جزئيتي هذي عن شغلات تشوه عليك متعة شهر العسل

للأسف احنا احياناً نشوه متعتنا بأنفسنا ..
أخطر شيء ممكن ينغص عليك المقآرنه ..

* اكيد كل عروسه يمر بحياتها كذا نموذج لعروسه سعيده تشوف مواقفها مع زوجها تمشياتها طلعاتها وناستها مع زوجها مواقفها الحلوه وتخزنها كلها وتتوقع بيحصلها نفس السعاده .

ولما تعيش شهر العسل .. وهي مخزنه المواقف براسها تنتظرها من زوجها .. وممكن تفتعل نفس الموقف وتشوف ردة فعل غير متوقعه من زوجها ويصيبها احباط ..



وتقعد تقارن ..فلانه صار لها كذا وقالها زوجها كذا وأنا لأ .. فلانه وداها زوجها المكان الفلاني وشراالها بالشي الفلاني وانا لأ ..

وتبدى تدخل الهم لقلبها شوي شوي ..
ومهما سوا زوجها ~> وممكن يكون فوق اللي سوالها زوج فلآنه ومع كذا مو مقتنعه ..

شفتوا شلون تخرب على نفسها بنفسها ..
لو زوج صديقتك أو أختك مثلاً .. سوالها شي معين .. ممكن زوجك سوالك شي افضل منه وزوج صديقتك ماسواه لها .. ~> دختوا صح ..

الفكره هنا انك لو اطلعتي على حياة اللي تقارنين نفسك فيها ممكن هي تحسدك على حياتك ..

ارضي بكل شي واقنعي فيه وشوفي السعاده اللي بتحسينها ..


* مبالغتك بتضخيم المواقف المحرجه .. ويحررج ..

هالمواقف لذيذه وبتحسين بلذتها بعدين ..

يعني لاتكبرينها وتنحرجين منها وتتذكرينها وتبكين ~> وياكثر اللي يبكون ..

* غيرتك وعدم ثقتك بنفسك ..

قبل كم يوم قريت زوج منزل استشاره بمنتدى منزل قصته كلها من إلى ..
يعشق زوجته مجنووووووونها ..
لاكن زوجته غبيه .. قليله فيها كلمة غبيه

من سياق القصه ~> ولاحظوا الزواج ماذكرها ..
اتضح ان زوجته اقل منه جمال .. يعني جمالها على قدها مع ان الزوج بالأستشاره مالمح من بعيد ولامن قريب انها موب جميله بس يكتب وش قد يعشقها لاكن من المواقف لاحظت ..

المهم جننت زوجها وهدمت بيتها بيدها بغيرتها ..
ماتتخيلون زوجها يسويلها مواقف رومانسيه تجنن
وهي تتصيده وتقوله انه حق بنات
(نفسي احط قصتهم جد فيها عبر كثيره )

زوجته جننته بغيرتها
كان فيها نقص ثقه بالنفس ..

رغم عشقه لها ماقدر غير يطلقها ..

اغلبكم بشهر العسل بيروح بلدان اجنبيه البنات فيها كل وحده تقول انا اكشف من جسمي أكثر ..!!

اذا طالع زوجك بأي بنت قدامه .. طالعي فيه ~> بينيله اني انا مراقبتك واعرف وين تناظر ..
خليه يحسبلك الف حساب ..
وبينيله انك ماتغارين ..

كان فيه زوجه بشهر العسل لاحظت زوجها شلون يناظر الحريم اللي يلبسون شورتات وطالعت فيه قزته ولافيه فايده .. قالتله~> على سبيل السوالف .. واي شورتاتهم خامتها جنز مدري شلون يستحملون الحر َ<~ بعدين تدرجت .. مع انها مره قصيره كل شي مكشوف ..كل شي طالع مايستحون .... بس اجسامهم مو حلوه .. الفخذ والساق على استقامه وحده ~> شوفوا الذكاء ..

طلعت فيهم عيب غصصصب ..
ماقالت لاتطالع ترى اغار و.....الخ
اوكي حلو تحسسين زوجك بغيرتك بس خليها بمواقف ثانيه
دام الموضوع متعلق بالجمال بينيله ان مافيه شي يستاهل انك تغارين
لأنك واثقه بنفسك


يتبع بأذن الله ~

_________________














الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:56 am


.. يآعروسه

ببداية زوآجك وأنتي تعيشين حلمك وأجمل أيامك .. طلعتي مع زوجك تتمشين ونزلتوا عند البحر ويآسلآم ع الجو الرومانسي مر جنبكم بيآع ورد وانتي منتظره من زوجك يشتري ورده ويهديك .. مر البيآع بدون مايناديه زوجك مثل ماكنتي متصوره .. وحزنتي و بدت الأفكار الشينه تدور برآسك

ليش ما أهداني ورده ! ليش مايعرف ب الرومنسيه !! ما أستآهل أنا ورده !!
[ ومع نفسك اللي توسوس الشيطان له دور طبعا ]

ركبتم السياره انتي متوقعه تطلعون تتعشون بمطعم فخم وتنصدمين ان زوجك راجع البيت !!

هنآ ضاق صدرك .. ورجعتي لأفكارك الكئيبه يساندك فيها شيطانك

ونكدتي على نفسك طلعتك الحلوه بأمالك اللي تعدت سقف هالطلعه البسيطه الممتعه

حبيبيتي بأسرد لك هالمعلومه

الرجل بسيط جداً ..ممكن وميسر على المرأه تفهم الرجل ... لآكن صعب وعسير على الرجل يفهم المرأه



لآ تتوقعين منه يفهم اللي ببالك .. وأيش تتمنين وأيش نفسك فيه !

هو مش سآحر ولا أختك أو صديقتك .. رجل يختلف عنك بكل شي ..

ببساطه انتي قوليها له مباشره بدون أي تلميح وبتشوفين كيف الموضوع بسيط
انا عن نفسي عانيت لأني كنت خجوله شوي استحي اقوله ايش بنفسي اللحين تخطيت هالموضوع الحمدلله ..

هالكلام يقودني لجزئيه مهمه ..



زوجك قبلك عايش مسؤول عن نفسه وبس ..انتي الشي الجديد اللي مسؤل عنه ساعديه يستوعب هالمسؤليه ..
مسؤلية صحتك .. ومسؤلية لبسك وأكلك وشربك ..الخ


بتقولين لي كيف .. بقولك من البدايه عوديه ..

إذا مرضتي لآ تسكتين وتبلعين المك وتصبرين ..
روحي اشكيله وخليه يهتم فيك ويوديك المستشفى ..
هالشي حلو من البدايه ..

قد قريت رد وحده تقول انها ماكانت تشكي أبداً حتى لما زوجها يشوفها تتألم ويخاف عليها تقوله مافيني شي مع الوقت ومع أشد حالات الألم لما تشكي له يقولها مافيك شي تتدلعين ..

عوديه يصرف عليك .. هالموضوع متعب حديثات الزواج بعض الحريم يقولون ان ازواجهم ماتعودوا يصرفون عليهم إلا بعد ماجوهم عيآل .. ليش ! لأنها ماعودته من البدايه ...

البدايه ثم البدايه اهم شي ..~> رآح اتكلم عنها بجزئيه إن شاء الله ..




عودي زوجك على نزلات السوق من البدايه مش تقولين توني مجهزه ومو محتاجه شي ..
أنا ما أقولك اشتري لمجرد الصرفيه .. حتى لو خاتم بـ30 ريال فقط من باب التعويد ..

وأي شي يشتريه لك حتى لو كآن تافه .. لما ترجعين البيت طلعيه قدامه ووريه إنك فرحآنه فيه وطآآآيره من الفرح وإنه أعجبك والأهم تبينين له إنك فرحانه فيه لأنه هو اللي شاريه وتبينين فخرك وكافئيه بسحرك لو ع الأقل بوسه .. لها اثر كبير جداً جداً بيدمن الشرى لك .. ولما تطلبين من زوجك السوق حسني اسلوبك واختاري كلماتك .. وخرفني زوجك بدلعك .. وطبعاً كل وحده تحط بإعتبارها ظروف زوجها الماديه ..


اغلبكم عندهم أخوان صغار او عيآل اخوان او خال او عم يموتون فيهم




راقبي نفسك شلون تتعاملين مع الطفل .. لما يسوي شغله طلبتيه منها شلون تكافئينه وتمدحينه وتخلينه فخور بنفسه ..

راقبي نفسك لما تطلبين منه طلب شلون تنتقين أحلى الكلمات وتمدحينه وتشجعينه عشان يسوي الللي انتي تبينه وراقبي كيف ينفذ الطفل طلبك على اكمل وجه



راقبي نفسك لما تلعبين معاه وتنجنين عليه شلون تمدحينه وكأنك تكلمين نفسك ( ما أحلاه يانآس .. ملحهم ملحهم .. يدنن ياقلبوو عليه ) ..



رآقبي نفسك لما يجيك الطفل مجروح شلون تواسينه وتطبطبين عليه وتبوسين جرحه ..


فيه جمله أؤمن فيها بقوه
[ الرجل طفل كبير ]





كل تصرفاتك مع طفلك المفضل محوريها وطبقيها مع زوجك


رآح تكتشفين فعلاً إنه طفل ..


رآح تتفاجئين لما يتقن أي شي كيف يطالع فيك ينتظر مدحك !!


لما ينجرح أو يألمه اي شي كيف يجي يشكي عندك أو يتعمد يوريك جرحه !!


لما يستهبل عليك كيف يطالعك بحمآس ينتظرك تقولين لنفسك قد ايش منجنه عليه !!



حطي ببالك دائما انه طفل وإنه بسيط بقولكم معلومه يابنات قريتها من قبل وفاجئتني ترى الرجل يفرح بالكلمه الحلوه أكثر مننا ..


كل رجل يشوف بزوجته مصدر أمان وحنان ومستشاره وونيسه ..
احتويه .. وحسسيه انك الحظن اللي يلجئله من متاعب الحياه .. إذا كنتي ضعيفه بشده كيف بتكونين مصدر قوته ! اذا كنتي مغفله ومو واثقه من نفسك كيف بياخذ رايك ويستشيرك !
إذا كنتي جافه ومش متفهمه .. كيف بتكونين أمانه وحنانه !!!!



جزئيه صغيره .. لما ودك بأي شي يسويه لك زوجك من حضن أو بوسه أو كلمه مثلاً لاتحطين يدك على خدك وتقولين زوجي مو فاهمني ابتدي فيه إنتي .. عوديه في الموقف الفلاني او الوقت هذا تسوينها له مره ومرتين واربع وبعدين من نفسه هو بيتعود ..


[ خلي لك طقوسك اليوميه الجميله معه وكلماتكم الخاصه وقطاتكم ومزحاتكم ]..


يتببع


_________________
















عدل سابقا من قبل ماجده في الأحد أكتوبر 02, 2011 3:02 am عدل 1 مرات
الرجوع الى أعلى الصفحة اذهب الى الأسفل
ماجده
مراقبه
مراقبه
avatar

عدد المساهمات : 1272
نقاط : 1804
التقييم : 3
تاريخ التسجيل : 11/10/2010
العمر : 32

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 2:58 am

اسئله خفيفه لكم:

عرآيسنا :ايش اللي تتمنينه بزوآجك .. ايش الصوره اللي بمخيلتك .. والعادات اللي حابه تدوم والرومانسيات اللي متخيلتها
والشغلات اللي حابه قد مافيك تتجنبينها وماتتحملين فكرة انها بتكون موجوده بحيآتك !!

مداماتنا اللطيفات: أيش اللي فخوره فيه بحياتك .. والعادات اللي مبسوطه عليها وتتمنين تستمر .. والرومانسيات اللي تسعدك وحابه تتمسكين فيها ..

والاشياء اللي منكده عليك حياتك .. والشغلآت اللي تتمنين تغيرينها ..!!




إقتباس:
ابي وهو داخل وخارج يبوسني ويحضني
ابي مرتين في الاسبوع ع الاقل نطلع مشوار
ابيه مستحيل ينام وحنا زعلانين ولازم يحضني وهو نايم
يساعدني بشغل البيت عن طيب خاطر
وياليت لو يفاجئني بين فترة والثانيه بطبخه من صنع ايديه
ابيه يفاجئني بهدايا وعبارات حب





حلوه جداً رغبآت حياتي معك .. لآكن تتوقعون زوجها رآح ينفذها لها كلها !!

أكيد لأ ..

رآح تظل هذي كلهآ مجرد رغبآت إلا إذا خلتها حيآتي معك بنفسها واقع ..

يآعروسه يآجميله ويامدآم يالطيفه ..
[ زوجك زي العجينه عندك انتي بيدك شكليه ]..
انا ماقولك تغيرينه لاطبعاً صعب جداً يعني فيه سمات بشخصيته
متأصله فيه من سنين تربيته وموروثه الثقافي والعرفي لها يد فيها
تجين انتي ببساطه تغيرينها .. صعب ..لآكن مش مستحيل
انا قصدي بتعامله معك انتي تشكلينه ,,

فيه مقوله قديمه رآآآآآآآآآآآآآآئعه وسليمه 100%

[ ابنك على ماربيتيه وزوجك على ماعودتيه ]

كلآمي مهم جداً جداً لكم يآعرآيس ..

اول سنه من زواجك مهمه جداَ لباقي حياتك ..

نجي نشوف ايش المفروض تسوي( حياتي معك )عشان يتحققلها بإذن الله اللي تبي :



إقتباس:
ابي وهو داخل وخارج يبوسني ويحضني



تبدئين انتي بتعويده اول مايجي من الدوام تركضين لعنده كأنك ملهوفه عليه ومبسووطه وتضمينه كأنك بتدخلينه لجوفك وتبوسينه بشوق


إقتباس:
ابي مرتين في الاسبوع ع الاقل نطلع مشوار


تجينه ببشاشه وفرح وبأرق والطف كلمات واحبها على قلبه وتطلبين من تطلعون تغيرون جو
وفرضاَ رفض ممكن تستعطفينه وتقولين أنا محتآجه اغير روتين وارفه عن نفسي كتمني شغل البيت
انتبهي تقولين انت ماتطلعني وحابسني وكاتم على انفاسي احلمي بعدها تعدين الباب لاتستخدمين انت استخدمي انا وانتي الربحانه

إقتباس:

ابيه مستحيل ينام وحنا زعلانين ولازم يحضني وهو نايم
لما تكونون زعلانين والوضع مشحون بينكم ما أقولك روحي اعتذري كل اللي عليك تكشخين
وتدخلين فراشك وتتمايلين عنده هنا اضمنلك انكم ماراح تنامون زعلآنين

إقتباس:
يساعدني بشغل البيت عن طيب خاطر

لما تطلبين منه يقطلعك الخضار مثلاً اطلبي منه بأسلوب ذكي يجمع بين دلع وتحفيز وحاجه ولما ينتهي من تقطيع الخضار امدحيه مددح واشكرريه شكرر وشوفي كيف بينبسط قايلتكلم ترآهم أطفاآآل اطفال


إقتباس:
وياليت لو يفاجئني بين فترة والثانيه بطبخه من صنع ايديه


ههههه اغرب رغبه نفس الطريقه اللي فوق تتبع


إقتباس:
ابيه يفاجئني بهدايا وعبارات حب


من البدايه لما يهديك خلي ردة فعلك تكون حلوه خليه يتحمس يهديك مره ومرتيين والف وانتي بعد اهديه وافرحي بعباراته وسمعيه مثلها واحلى

**



قريت تجربتين اعجبتني ..

الأولى وحده تحكي عن عمتها ,تقول لزوجها مو عآجبني انك نايم بجهه وأنا بجهه نبي ننام على مخده وحده بالبدايه ما اعجبه لاكن بعدها تعود مره لدرجة بالإجازات لما تجيهم عمتهم مايستغني عنها ..

الثانيه هنا تقول .. إن زوجها لما كان بيدخل ينام تقول لحظه وين بوستي !! >>حسيتها جريئة شوي
تقول كان يجيها متذمر وماااله خلق ويبوسها .. وبعدها تعود وصآر زي الفرض عنده ..

المغزى ياعزيزتي .. شكلي زوجك مثل ماتبين لاتحطين يدك على خدك وتنتظرينه يصير مثل ماتحبين .. لأ اسعي واجتهدي ..

نجي للشغلات اللي ماتبينها مع زوجك ...

أحسن ردة فعل لكل فعل قبيح من زوجك

تقطعين العرق وتسيحين دمه ,,

كوني حآزززمه

بحكيلكم استشاره قريتها بمنتدى مع اني ما اذكرها مزبوط :

وحده تقول لما كانت عروسه مع زوجها بشهر العسل كانوا بمطعم جى الويتر وسألهم وش تشربون !!
طالع زوجها فيه اوقال عادي اشرب خمر !!
هي استغربت طبعاً
قال بس كاس واحد
قالتله : كيفك ..
قال اكيد مافيه مشكله ..؟ قالتله خذ راحتك ~> وهي تقول انها كانت مش مصدقه ومسستغربه وزي اللي تبي تفرحه وتعطيه راحته ..

رجعت من شهر العسل وصار زوجها يشرب كاس وكاسين وثلاث بدون مايستئذنها
ولما تعصب منه وتشكي مايعطيها اي اهتمام .. وقاللها انتي كنتي راضيه ..


لو كانت حازمه معه من اول مره ورفضت واستنكرت وعصبت وقومت الدنيا فوق راسه ماكان الوضع بيكون أفضل وأهون !!

هو اللحين ماخذ راااحته لأني اللي ثبته براسه اول ردة فعل لها يعني مهما ناحت وصاحت ماراح يعبرها ..

ومره قريت لوحده بالمنتدى تقول ان وحده من قريباتها ماتجيب عيال قاللها زوجها بتزوج عليك .. قالتله اوكي بس طلقني ..
وماتزوج عليها من خوفه انه يفقدها ..


انا نصحت بأول موضوعي انك ماتزعلين وماتهدرين دموعك لآكن .. عند اي تصرف خطير يستدعي.. مبآح الزعل والصيآح والنيآح ..

من البدايه خليه يحسبلك الف حساب لاتقبلين منه اي تقليل من شأنك حبي نفسك وعزيها ولاترضين اي انتقاص او احتقار ..

واي تصرف غير لائق من زوجك مايرضي الله لازم تكونين حازمه بردة فعلك ..

انا ماقولك خذيها عناد واستقوي لأ قصدي بردة فعلك لازم يشوف عدم رضآك واستقباحك لفعلته وبعدها عاد انتي واسلوبك واللين مآكان في شيء إلا زانه














الموضوع مانتهى وأذا فيه شئ جديد أضفته لكم


_________________














الرجوع الى أعلى الصفحة اذهب الى الأسفل
كارولينا
حورية مميزه
حورية مميزه
avatar

عدد المساهمات : 604
نقاط : 777
التقييم : 2
تاريخ التسجيل : 13/09/2011

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الأحد أكتوبر 02, 2011 3:30 am

<BLOCKQUOTE class="postcontent restore ">
يسلمو طرح بالفعل رائع

مشكورة خيتو على المجهود الحلو

لاتحرمينا ابداعك وتميزك المستمر

لاعدمنا عطاكي ومواضيعك المبهرررررررة
</BLOCKQUOTE>
الرجوع الى أعلى الصفحة اذهب الى الأسفل
القرشيه الهاشميه
نائبه اداريه
avatar

عدد المساهمات : 1487
نقاط : 1979
التقييم : 3
تاريخ التسجيل : 29/09/2010

مُساهمةموضوع: رد: كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله   الجمعة أكتوبر 21, 2011 5:52 pm

بصراحه مني عارفه كيف اشكرك ياغاليتي على موضوعك الرائع والجميل

ياليت كل عروس تقراه قبل زواجها

سلمت احلى الايادي

_________________
الرجوع الى أعلى الصفحة اذهب الى الأسفل
 
كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
روح النساء :: من كل ما تحبى هنا :: χ • ::[ المقبلات على الزواج]:: •χ-
انتقل الى: